ᐆᒃᑐᕋᓱᐊᕐᑐᑦ: ᑲᖏᖅᖠᓂᐅᑉ ᓂᒋᐊ

ᑲᖏᖅᖠᓂᖅ  (ᐃᓄᒋᐊᓐᓂᖏᑦ 3,026)  ᓄᓇᕗᒻᒥ  ᑐᖏᓕᖓ ᐊᖏᓛᖑᔪᖅᓐ  ᓄᓇᓕᐅᔪᖅ ᐊᒻᒪᓗ  ᐱᔪᒪᓂᖃᓚᐅᕐᓯᒪᔪᖅ  ᓄᓇᕗᒧᑦ ᐊᖏᔪᖅᑳᖃᕐᕕᐅᓗᓂ,  ᑭᓯᐊᓂ  ᓵᓚᐅᓚᐅᕐᓯᒪᔪ  ᓄᓇᕗᒻᒥᐅᑕᐃᑦ   ᓂᕈᐊᖅᑎᑕᐅᑎᓪᓗᒋᑦ  ᐊᕐᕌᒍᖓᓂ  1995.

ᑲᖏᖅᖠᓂᐅᑉ  ᓂᒋᐊ   ᐱᖃᓯᐅᔾᔨᔪ  ᐱᖓᓐᓇᖓ  ᓇᑉᐸᖓ  ᓄᓇᓕᖕᓂᑦ , ᐱᖃᓯᐅᑎᓪᓗᒋᑦ  ᐃᓕᓐᓂᐊᕐᕖᑦ,  ᒪᒥᓴᕐᕕᒃ  ᐱᓕᕆᕕᒃ,  ᐋᓐᓂᐊᕕᐊᓛᖅ, ᓄᓇᕗᒻᒥ  ᐅᑭᐅᑕᖅᑐᒥ  ᓯᓚᑦᑐᓴᕐᕕᒃ,  ᕼᐊᒻᒪᓚᒃᑯᑦ  ᐊᓪᓚᕕᖓ,  ᖃᖓᑕᓲᒃᑯᕕᒃ,  ᐸᓖᓯᒃᑯᑦ  ᐱᓕᕆᑯᖓ, ᐊᒥᓱᒐᓚᐃᑦ  ᓂᐅᕕᕐᕖᑦ  ᐊᒻᒪᓗ  ᐊᓯᖏᑦ ᓇᒻᒥᓂᕆᔭᐅᔪᑦ.

ᓄᓇᓕᖕᓂᑦ, ᐃᓱᒫᓘᑎᑕᖃᖅᑐᖅ  ᐱᔾᔪᑎᖃᖅᑐᓂ  ᐱᑕᖃᕆᐊᖃᕐᓂᖓ   ᐃᓐᓇᑐᖃᐃᑦ  ᑲᒪᒋᔭᐅᓂᖏᓐᓄᑦ.  ᓴᓇᔭᐅᓂᖓ  24  ᓯᓂᕝᕕᓕᒃ  ᐊᑯᓂᐅᔪᒧᑦ  ᐱᓯᒪᔭᐅᕕᒃ   ᐱᓕᕆᕕᒃ   ᐱᒋᐊᖅᑎᑕᐅᓂᐊᖅᓯᒪᔪᖅ  2020.   ᒫᓐᓇ   ᐋᖅᑭᑦᑕᐅᓯᒪᔪ   ᐱᒋᕐᕕᖃᕐᓗᓂ   ᑕᒪᑐᒪᓂ   ᐊᕐᕌᒍᒥ ᐊᒻᒪᓗ  ᒪᑐᐃᕆᐊᓕᒃ  2023.

ᑕᕝᕙᓂ  ᓂᕈᐊᒐᒃᓴᐅᔪᑦ   ᑕᒑᖅ  ᑰᓕ  ᐊᒻᒪᓗ  ᐹᐱ ᐅᓗᔪᒃ   ᓂᕈᐊᕋᒃᓴᐅᖃᑎᖃᖅᑐᑦ  ᓂᕈᐊᖅᑕᐅᓯᒪᔪᒥᑦ  ᓗᐊᓐ  ᑯᓱᒐᖅ.

ᓰᐱᓰ   ᖃᐅᔨᒋᐊᖅᓯᒪᔪᑦ   ᑕᒪᒃᑭᓐᓄᑦ   ᓂᕈᐊᖅᑕᐅᒐᓱᐊᖅᑐᓄ   ᑦ ᑎᑎᕋᖅᓯᒪᔪᓂᑦ   ᐊᐱᖅᓲᑎᓂᒃ   ᐃᓄᒃᑎᑐᑦ   ᐊᒻᒪᓗ  ᖃ ᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ   ᓂᕈᐊᖅᑕᐅᒐᓱᐊᖅᑐᑉ  ᓇᒻᒥᓂᕆᔭᖓᓂᑦ  ᖃᕋᓴᐅᔭᓕᕆᓂᕐᒧᑦ  ᓂᕈᐊᖅᑕᐅᒐᓱᐊᕐᓂᕐᒧᑦ  ᐅᖃᐅᓯᒃᓴᓂᑦ.  ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋ ᖅᑭᒋᐊᖅᑕᐅᓯᒪᔪᑦ  ᑕᑭᓂᖏᓐᓂᑦ  ᐊᒻᒪᓗ  ᑐᑭᓯᐊᔾᔪᑎᒃᓴᖏᓐᓄᑦ.

ᑕᒑᖅ  ᑰᓕ

ᑕᒑᖅ ᑰᓕ,  ᐃᓅᓂᑯ  ᐊᒻᒪᓗ  ᐱᕈᕐᓂᑯ  ᓴᓪᓕᕐᓂᑦ,   ᓴᖅᑭᑎᑦᑎᖃᑕᐅᓚᐅᕐᓯᒪᔪ  ᐃᓚᒋᔭᐅᓪᓗᓂ,  ᓯᕗᓪᓕᖅᐹᖑᓪᓗᓂ  ᐃᓄᐃᑦ  ᑕᐱᕇᓴᑦ  ᑲᓇᑕᒥ, ᒫᓐᓇ ᐃ ᓄᐃᑦ  ᑕᐱᕇᑦ  ᑲᓇᑕᒥ . ᐱᔨᑦᑎᓕᓚᐅᕐᒥᔪᖅ  ᐃᓚᒋᔭᐅᓪᓗᓂ  ᒪᓕᒐᓕᐅᕐᕕᒻᒥ  ᓄᓇᑦᓯᐊᖅ  ᐱᒋᐊᖅᑐᓂ  1979 ᑎᑭᑦᑐᒍ 1987.

ᑰᓕ  ᓂᕈᐊᖅᑕᐅᓚᐅᕐᓯᒪᔪ   ᓂᕈᐊᕋᒃᓴᑐᐊᖑᓪᓗᓂ ᓄ ᓇᕗᒧᑦ  ᓂᕈᐊᖅᑕᐅᕕᒻᒧᑦ  ᑲᖏᖅᖠᓂᖅ  ᐅᐊᓐᓇᖓᓄ  2004  ᓂᕈᐊᕐᓂᖃᖅᑎᓪᓗᒋᑦ. ᒪᓕᒐᓕᐅᕐᑎᐅᖏᓐᓇᓚᐅᖅᑐᖅ  ᐊᒻᒪᓗ  ᒥᓂᔅᑕᐅᓪᓗᓂ   ᑎᑭᒐᓱᐊᕐᓂᖓᓄ  2013.  ᐱᔨᑦᑎᓕᓚᐅᕆᓪᓗᓂ  ᑐᖏᓕᖓ  ᐊᖏᔪᖅᑳᖅ  ᕿᑎᕐᒥᐅᑦ ᐃᓄᐃᑦ  ᑲᑐᔾᔨᖃᑎᒌᖏᑦ ᐱ ᒋᐊᖅᑐᓂ  ᑎᓯᐱᕆ  2017  ᑎᑭᑦᑐᒍ  ᐃᐳᕈ 2021.

ᑰᓕ  ᐅᖃᖅᑐᖅ  ᑲᖏᖅᖠᓂᖅ  ᐊᖑᒪᑎᒍᓐᓃᖅᑐᖅ  ᐅᑐᐊᒐᕐᓂᑦ  ᐅᖃᖃᑎᒌᓐᓂᐅᔪᓂᑦ  ᐅᕝᕙᓘᓐᓃᑦ  ᑲᑎᒪᑎᑦᑎᓂᐅᔪᓂᑦ  ᐱᒻᒪᕆᐅᔪᓂᑦ ᐃᓱᒫᓘᑕᐅᔪᓂᑦ,  ᓲᕐᓗ  ᐃᓅᓯᕐᒥᑦ  ᑭᐱᓯᑦᑕᐃᓕᑎᑦᑎᓂᖅ.

ᐃᕐᓂᓱᒃᓰᕕᒃ  ᐅᑎᖅᑎᑕᐅᔭᕆᐊᓕ  ᒃ ᑲᖏᖅᖠᓂᕐᒥᑦ,  ᐅᖃᖅᑐᖅ.

ᓄᓇᕗᒻᒥ  ᐱᒻᒪᕆᐅᓛᖑᔪᑦ  ᐃᓱᒫᓘᑕᐅᔪᑦ  ᐱᖃᓯᐅᔾᔨᔪᑦ  ᖁᕝᕙᓯᓐᓂᖓ  ᐃᖅᑲᓇᐃᔭᖏᑦᑐᑦ  ᐊᒥᓲᓂᖏᑦ.  "ᓄᓇᕗᑦ  ᓴᓇᔭᐅᔪᓐᓇᖏᑦᑐᖅ ᐱᖃᓯᐅᔾᔭᐅᖏᓪᓗᑎ  ᓄᓇᕗᒻᒥᐅ ᑦ ᐃᓄᓐᓄᑦ  ᐱᔨᑦᑎᖅᑐᓂᑦ  ᐃᖅᑲᓇᐃᔮᓂᑦ,  ᐃᒡᓗᓕᐅᓂᕐᒧᑦ  ᓴᓇᔨᐅᓂᕐᒧᑦ  ᐃᖅᑲᓇᐃᔮᓂᑦ.  ᓄᓇᕗᑦ  ᒐᕙᒪᒃᑯᑦ ᐃᒡᓗᓕᐅᓂᕐᒧᑦ  ᑳᓐᑐᕌᓕᒫᑦ  ᒪᓕᓐᓂᖃᕐᓗᑎ   ᓴᓇᔨᐅᓂᖏᓐᓄᑦ  ᐊᒻᒪᓗ  ᐃᖅᑲᓇᐃᔭᖅᑎᑐᐃᓐᓇᕐᓄᑦ   ᐃᓚᒍᑕᖏᓐᓂᑦ,"  ᐅᖃᖅᑐᖅ.

ᑰᓕ  ᐅᖃᖅᑐᖅ  ᐱᔨᑦᑎᕋᔭᖅᑐᖅ,  ᓂᕈᐊᖅᑕᐅᒍᓂ,  ᒥᓂᔅᑕᐅᑎᓂᑦ.  "ᐅᖃᐅᓯᒃᓴᖃᖏᑦᑐᖅ  ᓯᕗᓕᖅᑎᐅᓂᕐᒧᑦ,"  ᐅᖃᖅᑐᖅ.

ᓗᐊᓐ  ᑯᓱᒐᖅ

ᓗᐊᓐ  ᑯᓱᒐᖅ  ᐃᓅᓚᐅᖅᓯᒪᔪᖅ  ᑲᖏᖅᖠᓂᕐᒥ  ᐊᒻᒪᓗ  ᐃᓕᓐᓂᐊᕆᐊᕐᒥᑯ   ᓲᕐ  ᔮᓐᔾ  ᕗᕌᓐᔾᓚᓐ   ᐃᓕᓐᓂᐊᕐᕕᐊᓗᒃ ᔭᓗᓇᐃᒥ.

ᐃᖅᑲᓇᐃᔭᓚᐅᕐᓯᒪᔪ  17 ᐊᕐᕌᒍᓂᑦ  ᓰᐱᓰ  ᓈᓚᐅᓯᕆᔩᑦ  ᑲᖏᖅᖠᓂᕐᒥ,  ᑕᓪᓕᒪᓂᑦ  ᐊᕐᕌᒍᓂᑦ  ᑐᑭᒧᐊᖅᑎᑦᑎᔨᐅᓪᓗᓂ  ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ,  ᐊᒻᒪᓗ  ᐃᖅᑲᓇᔭᓕᓚᐅᖅᑐᓂ  ᐊᖏᔪᖅᑳᒧ  ᑐᑭᒧᐊᖅᑎᑦᑎᔨ ᓄ ᓇᕗᒻᒥ  ᐊᑐᓕᖅᑎᑕᐅᓂᖓᓄᑦ  ᐃᓕᓐᓂᐊᓂᕐᒧᑦ  ᑲᑎᒪᔨᕋᓛᑦ.

ᑯᓱᒐᖅ  ᑲᖏᖅᖠᓂᕐᒧᑦ  ᒪᐃᔭᐅᓚᐅᕐᓯᒪᔪ  ᐱᖓᓲᔪᕐᑐᓂᑦ  ᐊᕐᕌᒍᒍᓂᑦ  ᓂᕈᐊᖅᑕᐅᓚᐅᖅᑎᓐᓇᒍ   ᒪᓕᒐᓕᐅᖅᑎᒧᑦ  2008. ᓯ ᕗᓪᓕᖅᐹᖓᓂ ᓂᕈᐊᖅᓐᑕᐅᓯᒪᓂᕐᒧᑦ  ᒥᔅᑕᐅᑎᓂᑦ  ᒥᓂᔅᑕᐅᓪᓗᓂ,  ᒐᕙᒪᒃᑯᓐᓄᑦ  ᒪᓕᒐᓕᐅᕐᕕᒻᒧᑦ  ᑐᑭᒧᐊᖅᑎᑦᑎᔨᐅᓪᓗᓂ  ᐊᒻᓗᒪ  ᒥᓂᔅᑕ  ᓄᓇᓕᓐᓂᑦ ᒐᕙᒪᒃᑯᓂᓪᓗ  ᐱᔨᑦᑎᕋᖅᑎᒃᑯᑦ.

ᑯᓱᒐᖅ  ᓵᓚᖃᒡᒐᐃᓐᓇᓚᐅᖅᑐᖅ 2013 ᓂᕈᐊᕐᓇᐅᔪᒥᑦ, ᓵᓚᒃᑕᖅᑐᓂ ᓂᕈᐊᖅᑕᐅᑲᓐᓂᖅᑐᓂ 2017, ᑭᖑᓂᐊᒍᑦ ᒥᓂᔅᑕᐅᓕᓚᐅᖅᑐᖅ ᓄᓇᓕᓐᓂᑦ ᒐᕙᒪᒃᑯᓂᓪᓗ ᐱᔨᑦᑎᕋᖅᑎᑯᓐᓂ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᑦ.

ᒫᓐᓇᕋᑖᖑᔪᒥᑦ ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᒥᓂᔅᑕᐅᓚᐅᖅᑐᖅ.

ᑯᓱᒐᖅ  ᐅᖃᖅᑐᖅ  ᓂᕈᐊᕋᔅᓴᐅᑲᓐᓂᖅᑐᖅ  ᐱᔪᑎᒋᓪᓗᒍ  ᑕᑯᔪᒪᒻᒪᒋᑦ ᐱᓕᕆᐊᑦ, ᓲᕐᓗ ᐃᓐᓇᑐᖃᒃᑯᕕᒃ ᑲᖏᖅᖠᓂᕐᒥᑦ, ᓯᕗᒧᒋᐊᖅᑕᐅᓗᓂ. ᓴᖅᑭᔮᖅᑎᑦᑎᔪᒪᒻᒥᔪᖅ "ᖃᓂᓐᓂᖅᓴᖅ ᐊᖏᕋᒧᑦ" ᐃᓱᒪᒋᔭᐅᓂᖓ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ, ᐃᕐᓂᓱᒃᓰᕕᒃ ᑲᖏᖅᖠᓂᕐᒥᑦ ᒪᑐᐃᖅᑕᐅᑲᓐᓂᕋᔭᖅᑐᓂ.

ᐃᓚᖏᓐᓂᑦ ᓯᕗᓪᓕᐅᑎᒋᐊᓕᖏᓐᓂᑦ: ᐊᔭᐅᖅᓯᒋᐊᕐᓗᓂ ᓄᓇᕗᒻᒥ ᐃᓱᒪᔮᖃᑦᑕᖅᑐᓄᑦ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᕕᒃ ᐊᒻᒪ ᐊᐅᖏᓐᓄᑦ ᓴᓗᒻᓴᖅᑕᐅᓂᖏᓐᓄᑦ  ᑲᒪᒋᔭᐅᔪᒃ,  ᐊᒻᒪᓗ  ᐃᓪᓗᖃᖅᑎᑎᒃᑲᓂᕐᓂᖅ. "ᐊᒥᓲᓗᐊᖅᑐᑦ  ᐃᒃᓯᕙᐅᑕᑯᑖᒥᑦ  ᓯᓂᖃᑦᑕᖅᑐᑦ," ᐅᖃᖅᑐᖅ.

ᐊᑕᖏᖅᑐᒍ, ᑯᓱᒐᖅ ᐅᖃᖅᑐᖅ  ᑕᑯᔪᒪᔭᖓ ᓄᓇᕗᑦ ᒐᕙᒪᒃᑯᑦ  ᑕᑯᓂᐊᕐᓂᖅᓴᐅᓗᑎ ᖃᓄᐃᓕᓯᒋᐊᕐᓂᖃᓂᕐᒥᑦ ᓯᕗᓂᐊᒍᑦ ᖃᓄᐃᓕᓚᐅᖅᑎᓐᓇᒋᑦ ᑎᑭᑦᑎᓗᑎ ᐱᔭᐅᔭᕆᐊᓕᓐᓂᑦ ᓄᓇᓕᒻᒥᐅᑕᖏᓐᓄᑦ. ᑯᓱᒐᖅ ᐅᖃᖅᑐᖅ ᐱᓕᕆᓂᖃᕋᔭᖅᑐᖅ ᓂᕈᐊᖅᑕᐅᒍᓂ ᐅᕝᕙᓘᓐᓃᑦ  ᓂᕈᐊᖅᑕᐅᖏᒃᑲᓗᐊᕈᓂ ᒥᓂᔅᑕᐅᑎᓄᑦ . ᐊᐱᕆᔭᐅᓪᓗᓕ  ᓯᕗᓕᖅᑎᐅᓂᕐᒧᑦ,  ᐅᖃᖅᑐᖅ  ᓯᕗᓪᓕᖅᐹᕆᓂᐊᖅᑕᖓ  ᑐᕌᒐᖓ  ᓂᕈᐊᖅᑕᐅᑲᓐᓂᕐᓗᓂ.

ᐹᐱ  ᐅᓗᔪᒃ

ᓰᐲᓰ−ᑯᑦ   ᓱᓕ  ᑐᓴᓚᐅᖏᑦᑐ   ᑐᓴᖅᑕᐅᔭᕆᐊᓕᖕᓂᑦ