ᐆᒃᑐᕋᓱᐊᕐᑐᑦ: ᓇᑦᓯᓕᒃ (ᑕᓗᕐᔪᐊᖅ ᐊᒻᒪᓗ ᑰᒑᕐᔪᒃ)
ᒪ ᓕᒐᓕᐅᕐᑎᐅᔪᖅ ᒪᕐᕉᓐᓂᒃ ᓂᕈᐊᖅᑕᐅᓇᓱᖃᑕᐅᔪᖅ ᐃᓂᖓᓄᑦ
ᑕᓗᕐᔪᐊᕐᓂ (ᐃᓄᒋᐊᕐᓂᖓ 1,146) ᐊᒻᒪᓗ ᑰᒑᕐᔪᒃ (ᐃᓄᒋᐊᕐᓂᖓ 1,180) ᐃᓄᒋᐊᕐᓂᖏᑦ ᓇᓕᒧᒌᐸᓗᒃᑑᒃ.
ᓇᓕᐊᑐᐃᓐᓇᖅ ᓄᓇᓕᐅᔪᑦ ᐱᕚᓪᓕᖅᓯᒪᙱᑦᑐ ᒐᕙᒪᒃᑯᑦ ᑐᑦᑕᕐᕕᖏᓐᓄᑦ ᐃᖅᑲᓇᐃᔮᑦᓴᓂᒃ ᐊᒻᒪᓗ ᐃᓄᒋᐊᕐᓂᖅᓴᐅᔪᑦ ᓂᖃᐃᓲᑎᓄᑦ ᐃᑲᔫᓯᐊᖃᑦᑕᖅᑐᑦ.
ᐆᒪᔪᓕᕆᓂᕐᒧᑦ ᐃᓱᒫᓗᓐᓇᖅᑐᖅ, ᐱᖃᓯᐅᑎᓗᒍ ᑐᖁᖓᓂᕆᓚᐅᖅᑕᖏᑦ ᐊᒥᓱᑦ ᐊᕐᕕᐅᔪᑦ ᐴᑎᐊ ᐸᐃ ᖃᓂᒋᔭᖓᓂ, ᐱᒻᒪᕆᐅᒋᔭᐅᔪᑦ ᐊᕕᑦᑐᖅᓯᒪᓂᐅᔪᒥᒃ.
ᑖᓐᓇ ᐃᒃᑲᕆᓐᓂᕆᓚᐅᖅᑕᖓ (ᖃᓪᓗᓐᓈᑎᑐ ᑎᑎᖅᑕᐅᔪ ᐃᒪᓐᓇ − Akademik Ioffe) ᑰᒑᕐᔪᒃ ᖃᓂᒋᔭᖓᓂ ᐋᒡᒌᓯ 2018 ᓄᙳᐊᓂ ᐊᒻᒪᓗ ᑖᓐᓇ ᖃᖓᑕᓲᖅ ᑲᑕᓐᓂᕆᑲᓴᓚᐅᖅᓯᒪᔭᖓ 2020-ᒥᑦ ᐃᓱᒫᓘᑕᐅᓯᒪᓪᓚᕆᑦᑐᖅ ᓄᓇᓕᐅᔪᓂᑦ ᑐᐊᕕᕐᓇᖅᑐᓄᑦ ᐱᕙᒌᔭᖅᓯᒪᒋᐊᑦᓴᖏᓐᓂᒃ.
ᑕᕝᕙᓂ ᐊᕕᑦᑐᖅᓯᒪᔪᒥᑦ ᓴᐃᒪᓐ ᕿᖕᓇᖅᑐᖅ ᐊᓐᒪᓗ ᐃᓇᒐᔪᒃ ᔫᓯᕝ ᖁᖅᑭᐊᖅ ᓵᓚᖃᓇᓱᑎᒃ ᐃᓕᓯᒪᔪᒥᒃ ᐃᒥᓕᐋᓄ ᕿᕐᖕᓄᕐᒥᒃ.
ᓰᐱᓰ ᖃᐅᔨᒋᐊᖅᓯᒪᔪᑦ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ ᑎᑎᕋᖅᓯᒪᔪᓂᑦ ᐊᐱᖅᓲᑎᓂᒃ ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ ᓂᕈᐊᖅᑕᐅᒐᓱᐊᖅᑐᑉ ᓇᒻᒥᓂᕆᔭᖓᓂᑦ ᖃᕋᓴᐅᔭᓕᕆᓂᕐᒧᑦ ᓂᕈᐊᖅᑕᐅᒐᓱᐊᕐᓂᕐᒧᑦ ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ ᐊᒻᒪᓗ ᑐᑭᓯᐊᔾᔪᑎᒃᓴᖏᓐᓄᑦ.
ᓴᐃᒪᓐ ᕿᖕᓇᖅᑐᖅ
ᓴᐃᒪᓐ ᕿᖕᓇᖅᑐᖅ ᐃᓅᓚᐅᕐᓯᒪᔪ 30 ᑭᓛᒥᑕᐸᓗᑦ ᐅᖓᓯᓐᓂᓕᒻᒥᑦ ᑲᓇᓐᓇᖓᓂ ᑕᓗᕐᔪᐊᑉ, ᐃᓅᓯᓕᒫᖓᓂ ᑕᐅᕙᓂᕐᒥᐅᑕᐅᓪᓗᓂ.
ᒫᓐᓇᐅᔪᖅ ᑮᓇᐅᔾᔭᓴᓐᓂᕐᒧᑦ ᐱᕙᓪᓕᐊᔪᓕᕆᔨᐅᓪᓗᓂ, ᕿᖕᓇᖅᑐᖅ ᐊᒥᓱᓂᒃ ᐃᖅᑲᓇᐃᔮᖃᖅᓯᒪᔪᖅ ᓄᓇᓕᖓᓂ, ᐊᔾᔨᒌᙱᑦᑐᓄᑦ ᑲᑎᒪᔨᓄᑦ, ᑲᑐᔾᔨᖃᑎᒌᓄᑦ ᐊᒻᒪᓗ ᒪᐃᔭᐅᓂᕐᒥᑦ.
ᐊᓯᖏᓂᓪᓗ ᓄᓇᓕᖕᓂᑦ ᐃᖅᑲᓇᐃᔮᓂᒃ, ᐊ ᐅᓚᑦᓯᔨᐅᓚᐅᖅᑐᖅ ᑯᐊᐸᒃᑯᓐᓂ ᐊᒻᒪᓗ ᐆᒪᔪᕐᓂᐊᖅᑎᒃᑯᑦ ᑲᑐᔾᔨᖃᑎᒌᒃᑯᖏᓐᓂᒃ.
ᕿᖕᓇᖅᑐᖅ ᐃᑦᓯᕙᐅᑕᕆᔭᐅᓂᑰᔪᖅ ᕿᑎᕐᒥᐅᑉ ᐆᒪᔪᓕᕆᔨᖏᑕ ᑲᑎᒪᔨᖏᓐᓄᑦ ᐊᒻᒪᓗ ᓄᓇᕘᓕᒫᒥᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔨᖏᓐᓄᑦ, ᐱᓕᕆᕝᕕᐅᖃᑎᒌᙱᑦᑐᑦ ᑲᑎᙵᔪᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑲᒪᔨᐅᓪᓗᑎᒃ ᐊᑐᓂ ᐃᖅᑲᓇᐃᔭᖅᑐᑦ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ.
ᒫᓐᓇᐅᔪᖅ ᒪᓕᒐᓕᐅᖅᑎᙳᓇᓱᑦᑐᖅ ᐊᔪᙱᓐᓂᖃᕋᓱᒋᒻᒪᑦ ᑭᒡᒐᖅᑐᐃᓂᕐᒥᑦ ᓇᑦᓯᓕᖕᒥᑦ.
ᐊᖏᓂᖅᐹᖑᔪᑦ ᐃᓱᒫᓗᓐᓇᖅᑐᑦ ᐊᕕᑦᑐᖅᓯᒪ ᓂᕆᔭᖓᓂ: ᐃᒡᓗᑭᑦᓴᓗᐊᕐᓂᖏᑦ ᐊᒻᒪᓗ ᐃᓐᓇᐃᑦ ᐸᖅᑭᔭᐅᙱᓗᐊᕐᓂᖏᓐᓂᒃ.
ᕿᖕᓇᖅᑐᖅ ᐅᖃᖅᑐᖅ ᓄᓇᕘᓕᒫᒥᑦ ᑕᑯᔪᒪᒐᔭᖅᑐᖅ ᐃᓕᓐᓂᐊᖅᑐᓕᕆᓂᖅ ᐋᖅᑭᒋᐊᖅᑕᐅᓗᓂ. ᐊᑦᓱᕉᑎᖃᕋᔭᖅᑐᖅ "ᓄᓇᕗᒻᒥ ᓴᓇᔭᐅᓯᒪᔪᒥᒃ" ᐃᓕᓐᓂᐊᕈᑎᑦᓴᓂ ᑦ ᐃᓅᓯᓕᕆᓂᕐᒧᑦ ᐊᑐᐃᓐᓇᖃᕐᕕᐅᓂᖅᓴᐅᓕᕐᓗᑎᓗ ᐃᓕᓐᓂᐊᖅᑎᐅᔪᑦ.
ᒥᓂᔅᑕᐅᖃᑕᐅᓂᕐᒧᑦ, ᕿᖕᓇᖅᑐ ᖅ ᐃᓱᒪᖅᑳᕈᒪᔪᖅ ᓂᕈᐊᕐᓇᐅᔪᒥᒃ ᑭᓯᐊᓂ ᐃᓱᒪᒋᖃᓯᐅᑎᒐᔭᕐᒥᔭᖓ.
ᐃᒥᓕᐋᓄ ᕿᕐᖕᓄᖅ (ᒪᓕᒐᓕᐅᖅᑎ)
ᐃᒥᓕᐋᓄ ᕿᕐᖕᓄᖅ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᓂᕈᐊᕐᓇᐅᓚᐅᖅᑐᒥᒃ 2017-ᒥᑦ ᑭᒡᒐᖅᑐᐃᓂᐊᕐᓗᓂ ᓇᑦᓯᓕᒻᒥ ᑕᓪᓕᒪᒋᓕᖅᑕᖓᓂ ᒪᓕᒐᓕᐅᕐᕕᒻᒥᑦ ᓄᓇᕗᒻᒥ.
ᒪᓕᒐᓕᐅᖅᑎᙳᓚᐅᙱᓐᓂᖓᓂ 2013-ᒥᑦ, ᕿᖕᓄᖅ ᕼᐋᒻᒪᓚᒃᑯᓐᓄᑦ ᑲᑎᒪᔨᐅᓚᐅᖅᑐᖅ ᑰᒑᕐᔪᒻᒥ ᐊᒻᒪᓗ ᓄᓇᓕᖓᑕ ᐆᒪᔪᕐᓂᐊᕐᑎᒃᑯᑦ ᑲᑐᔾᔨᖃᑎᒌᖏᓐᓂᒃ. ᐃᖅᑲᓇᐃᔮᕆᓂᑯᒋᔭᖏᑦ ᐃᓚᖃᖅᑐᑦ ᐊᐅᓚᑦᓯᔨᐅᓂᕐᒧᑦ ᐃᓂᐅᔪᓂᒃ ᑰᒻᒥᐅᑦ ᑯ ᐊᐸᖓᓂ.
ᕿᕐᖕᓄᖅ ᐊᑯᓂᐊᓗᒃ ᖃᑦᑎᕆᔨᐅᖃᑕᐅᓂᑰᔪᖅ.
ᒪᓕᒐᓕᐅᕐᕕᒻᒥᑦ, ᐊ ᐱᖅᓱᖃᑦᑕᓚᐅᖅᑐᖅ ᐃᒃᑲᕆᓐᓂᕆᓚᐅᖅᑕᖓ ᐊᑲᑕᒥᒃ ᓛᕝ ᑰᒑᕐᔪᒃ ᖃᓂᒋᔭᖓᓂ ᐋᒡᒌᓯ 2018 ᓄᙳᐊᓂ ᐊᒻᒪᓗ ᑖᓐᓇ ᖃᖓᑕᓲᖅ ᑲᑕᓐᓂᕆᑲᓴᓚᐅᖅᓯᒪᔭᖓ 2020-ᒥᑦ, ᐃᓱᒫᓘᑕᐅᓯᒪᓪᓚᕆᑦᑐᖅ ᓄᓇᓕᐅᔪᒥᒃ ᑐᐊᕕᕐᓇᖅᑐᓄᑦ ᐱᕙᒌᔭᖅᓯᒪᒋᐊᑦᓴᖏᓐᓂᒃ.
ᕿᕐᖕᓄᖅ ᐱᓕᕆᐊᖃᒃᑲᓐᓂᖁᔨᓯᒪᒻᒥᔪᖅ ᐃᒻᒥᓃᕐᓂᕐᒧᑦ ᐊᒻᒪᓗ ᐃᒻᒥᓃᖅᑕᐃᓕᒪᑎᑦᓯᓂᕐᒧᑦ.
ᐃᓇᒐᔪᒃ ᔫᓯᕝ ᖁᖅᑭᐊᖅ
ᐃᓇᒐᔪᒃ ᔫᓯᕝ ᖁᖅᑭᐊᖅ ᐃᓅᓚᐅᕐᓯᒪᔪ ᔭᓗᓇᐃᕝᒥ ᐊᒻᒪᓗ ᐱᕈᖅᓴᕐᒥᑯ ᑕᓗᕐᔪᐊᓂ ᐃᓕᓐᓂᐊᕆᐊᕐᓂᑰᓪᓗᓂ ᓇᑦᓯᓕᒃ ᐃᓕᓐᓂᐊᕐᕕᖓᓂ.
ᓄᓇᓕᖕᓂ ᐱᔨᑦᓯᕋᖅᑎᐅᓯᒪᔪᖅ ᑕᓗᕐᔪᐊᓂ ᕿᓂᖅ SSi ᖃᕋᓴᐅᔭᕈᓐᓇᐅᑎᓄᑦ ᑕᐃᒪᙵᓂ 2016-ᒥ.
ᖁᖅᑭᐊᖅ ᐃᓕᔭᐅᓚᐅᖅᑐᖅ ᑲᑎᒪᔨᐅᓂᕐᒧᑦ ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᖏᓐᓄᑦ, ᐃᑦᓯᕙᐅᑕᐅᑉ ᑐᓪᓕᒋᓂᐅᓴᔭᖓ ᑎᑭᓪᓗᒍ ᒫᑦᓯ 31, 2024. ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᑦ ᑭᒡᒐᖅᑐᐃᔨᐅᒻᒥᔪᖅ.
ᖁᖅᑭᐊᖅ ᓂᕈᐊᕋᒃᓴᐅᔪᖅ ᐃᑲᔪᕈᒪᓪᓗᓂ ᓄᓇᕗ ᑦ ᒐᕙᒪᖓᓂ, ᐃᓄᖁᑎᓂ ᐃᒡᓗᓕᐅᕐᓂᖅᓴᐅᓕᖁᓪᓗᒋᑦ ᐊᒻᒪᓗ ᑲᒪᒋᔭᖃᕐᓗᑎᒃ ᐃᓱᒪᓕᕆᓂᕐᒥᑦ.
ᓇᑦᓯᓕᒻᒥ, ᐃᒡᓗᓕᕆᓂᖅ ᐊᒻᓗ ᒪ ᑮᓇᐅᔾᔭᓴᓂᕐᒧᑦ ᐱᕕᑦᓴᖃᕐᓂᖅᓴᐅᒋᐊᓖᑦ, ᐅᖃᖅᑐᖅ.
ᐊᖏᓂᖅᐹᖑᔪᑦ ᐃᓱᒫᓗᓐᓇᖅᑐᑦ ᓄ ᓇᕗᒻᒥᑦ ᑕᒪᑐᒪᓂ ᓂᕈᐊᕐᓇᐅᔪᒥᒃ ᐃᓚᖃᖅᑐᑦ ᑲᒪᓂᕐᒥᑦ ᓄᕙᒡᔪᐊᕐᓇᖅ-19-ᒥᑦ ᐊᒻᒪᓗ ᓂᕈᐊᖅᑏᑦ ᓂᕈᐊᕆᐊᖅᑐᕈᓐᓇᕐᓗᑎᒃ ᐅᑐᐱᕆ 25-ᒥᑦ "ᐊᑏᑑᖅ ᐃᓄᐃᑦ ᓂᕈᐊᕆᐊᖅᑐᓛᖅᐳᑦ."