ᑖᓐᓇ ᓂᕈᐊᖅᑕᐅᕕᐅᔪᖅ ᐱᔨᑦᑎᖅᑐᖅ ᐃ ᖃᓗᓐᓂ ᓯᓚᑖᓂ, ᐱᖃᓯᐅᑎᓕᒃ "ᓕᐊᒍ ᓄᓇᖓ" ᐊᖏᕋᖃᕐᕖᑦ ᐃᓪᓗᐃᑦ.

ᑖᓐᓇ ᓂᕈᐊᒐᒃᓴᐅᒥᔪᑦ ᐱᖃᓯᐅᔾᔨᒻᒥᔪᖅ Apex ("ᓂᐊᖁᙳᑦ" ᐃᓄᒃᑎᑐᑦ). ᐊᓯᔾᔨᓗᐊᖅᓯᒪᖏᑦᑐᖅ ᓂᐊᖁᙳᒥᓕ ᖁᓕᐊᓕᖅᑐᓂᑦ ᐊᕐᕌᒍᓂᑦ, ᑭᓯᐊᓂ ᐱᕈᖅᐸᓪᓕᐊᓂᖓ ᓄᓇᓕᐸᐅᔭᐅᔪᖅ ᐊᔭᐅᖅᓯᒋᐊᕋᑖᖅᓯᒪᔪᑦ ᓄᓇᓕᐸᐅᔭᒃᑯᓐᓂᑦ ᓴᖅᑭᑎᑦᑎᓗᑎ ᐊᒥᓱᒐᓚᓐᓂᑦ ᓄᓇᓂᑦ ᐃᓪᓗᖃᕐᕕᓐᓂᑦ ᐅᕙᓂ, ᐊᑭᑐᒐᓗᐊᖅᑎᓪᓗᒍ ᓄᓇᓯᐅᑎᒃᑯᑦ ᐱᔨᑦᑎᖅᑕᐅᔪᓄᑦ ᐃᒥᕐᒧᑦ ᐊᒻᒪᓗ ᑭᓈᓗᓐᓄᑦ.

ᑕᕝᕙᓂ ᓂᕈᐊᒐᒃᓴᐅᔪᑦ ᐸᐅᓗᓯ ᐊᑭᐊᕈᖅ, ᓄᐊ ᐸᐸᑦᓯ ᐊᒻᒪᓗ ᑏᓄᔅ ᑎᑭᕕᒃ.

ᐸᐅᓗᓯ ᐊᕿᐊᕈᖅ ᐃᓅᓚᐅᖅᓯᒪᔪᖅ ᐊᒻᒪᓗ ᐱᕈᖅᓴᓂᑯ ᐊᐅᓱᐃᑦᑐᒥ. ᐱᔭᕇᖅᓯᓯᒪᔪᖅ ᓄᓇᕗᑦ ᓯᕗᓂᒃᓴᕗᑦ.

ᓂᕈᐊᕋᒃᓴᐅᓚᐅᖅᑎᓐᓇᒍ ᒪᓕᒐᓕᐅᖅᑎᒧᑦ, ᐊᖏᔪᖅᑳᖑᓚᐅᕐᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᑦ.

ᓂᕈᐊᕋᒃᓴᐅᓚᐅᖅᑎᓐᓇᒍ ᒪᓕᒐᓕᐅᖅᑎᒧᑦ, ᐊᖏᔪᖅᑳᖑᓚᐅᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ.

ᐊᕿᐊᕈᖅ ᐅᖃᖅᑐᖅ ᐃᖅᑲᓇᐃᔭᖃᑦᑕᖅᓯᒪᓪᓗᓂ ᐃᓄᐃᑦ ᑲᑐᔾᔨᖃᑎᒌᓂᑦ ᐃᓅᓯᖓᓂ − "ᓯᕗᒧᒋᐊᖅᑎᑦᓱᒋᑦ ᐃᓄᐃᑦ ᐱᔪᓐᓇᐅᑎᖏᑦ ᐊᒻᒪᓗ ᐃᑲᔪᖅᑕᐅᓂᖓᓄ ᓄᓇᕗᑦ ᐅᕙᖓ ᐃ ᓅᓯᖓᓂ ᐃ ᖅᑲᓇᐃᔮᕋ."

"ᐅᑉᐱᕈᓱᑦᑐᖓ ᐊᑐᕈᓐᓇᑕᒃᑲ ᐊ ᑐᖃᑦᑕᖅᓯᒪᔭᒃᑲ ᐃᓄᓐᓂᑦ ᐊᐅᓚᑦᑎᓂᕐᒧᑦ, ᐃᑲᔪᖅᑐᐃᓂᕐᒧᑦ ᐱᔨᑦᑎᕐᓗᒋᑦ ᓂᕈᐊᖅᑎᒃᑲ ᐃᖃᓗᐃᑦ−ᓂᐊᖁᙳᑦ ᐊᒻᒪᓗ ᓄᓇᕗᑦ ᐱᐅᓂᖅᓴᐅᓕᖅᑎᓪᓗᒍ ᓄᓇᖓ ᓄᓇᕗᒻᒥᐅᑕᓕᒫᓄᑦ. ᐱᓕᕆᐊᒃᓴᖃᑐᒍ ᓄᑖᓂᑦ ᐃᓱᒪᒋᔭᐅᔪᓂᑦ ᐊᒻᒪᓗ ᓄᑖᓂ ᐱᔪᒪᓂᖃᓂᕐᒥᑦ ᓄᓇᕗᑦ ᒐᕙᒪᒃᑯᓐᓂᑦ ᑎᑭᑦᑎᓗᑕ ᐱᓪᓚᕆᐅᔪᓂᑦ ᐊᓯᕐᐸᓕᔪᓂᑦ."

ᐃᓱᒫᓘᑕᐅᔪᑦ ᐱᓕᕆᐊᕆᔪᒪᔭᖏᑦ ᐱᖃᓯᐅᔾᔨᔪᑦ ᐱᔭᒃᓴᐅᓂᖏᓐᓄᑦ ᐊᑭᑐᓗᐊᖏᑦᑐᓂᑦ ᐸᐃᕆᕕᓐᓂ, ᐃᓐᓇᑐᖃᐃᑦ ᑲᒪᒋᔭᐅᓂᖏᑦ, ᐃᒡᓗᓕᕆᓂᖅ, ᐱᖅᑯᓯᓅᖓᔪᓂ ᐊᑦᑐᐊᓂᓕᓐᓄᑦ ᐃᑲᔪᓂᕐᒥᑦ. ᐱᕈᖅᑎᒍᒪᔭᖓ ᑮᓇᐅᔭᓕᕆᓂᐅᔪᖅ ᐊᒻᒪᓗ ᓴᖅᑮᓗᓂ ᐃᖅᑲᓇᐃᔮᓂᑦ ᐃᑲᔪᕆᐊᕐᓗᒋᑦ ᒪᑭᒪᑎᑕᐅᔪᑦ ᐊᖏᔪᑦ ᐱᓕᕆᕕᐅᔪᑦ.

"ᐃᓱᒪᔪᖓ ᐊᒥᓲᓂᖅᓴᐃᑦ ᓄᓇᕗᒻᒥᐅᑦ ᐊᑐᐃᓐᓇᐅᓕᖅᑐᑦ ᓄᑖᒥᑦ ᓄᓇᕗᒻᒥ ᒐᕙᒪᒥᑦ – ᒐᕙᒪᐅᔪᖅ ᑭᐅᓂᖅᓴᐅᖃᑦᑕᖅᑐᖅ, ᐱᓕᕆᓂᖃᕐᓂᖅᓴᐅᔪᖅ, ᒐᕙᒪᐅᔪᖅ ᐱᑕᖃᖅᑎᑦᑎᔪᑦ ᓄᑖᓂ ᐃᓱᒪᒋᔭᐅᔪᓂᑦ ᐱᓕᕆᐊᖃᕐᓗᑎ ᐃᓱᒫᓘᑕᐅᔪᓂᑦ ᐱᓕᕆᓇᓱᐊᖅᓯᒪᔭᕗᑦ ᐊᑯᓂᐅᓗᐊᖅᑐᖅ," ᐊ ᕿᐊᕈᖅ ᐅᖃᖅᑐᖅ.

ᐃᓱᒪᒋᒐᔭᖅᑕᖓ ᒥᓂᔅᑕᐅᑎᓂᑦ ᐃᓂᐅᔪᒥᑦ, ᑭᓯᐊᓂ ᐅᖃᖅᑐᖅ ᓂᕈᐊᕋᒃᓴᐅᓂᕋᖅᑐᖅ ᒪᓕᒐᓕᐅᖅᑎᐅᓂᕐᒧᑦ " ᐱᔨᑦᑎᕐᓗᒍ ᓄᓇᓕᖓ."

ᓄᐊ ᐸᐸᑦᓯ ᐃᓅᓯᓕᒫᖓᓂ ᓂᐊᖁᙳᒥᐅᑕ ᐊᒻᒪᓗ ᐃᖃᓗᐃᑦ.

ᐸᐸᑦᓯ, ᐃᖅᑲᓇᐃᔭᖃᑦᑕᖅᓯᒪᔪᖅ ᑕᓚᕕᓴᒃᑯᑦ ᑕᑯᓴᐅᑎᑦᑎᓂᕐᒥᑦ, ᑕᐅᑐᖏᑦᑑᓕᖅᓯᒪᔪᖅ ᐱᒋᐊᕐᓂᖓᓂ ᐊᕐᕌᒎᑉ 2000.

ᓂᕈᐊᖅᑕᐅᓚᐅᖅᓯᒪᔪᖅ ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲ ᑎᒪᔨᖏᓐᓄᑦ 2013 ᐊ ᒻᒪ 2017. ᐃᓚᒋᔭᐅᖃᑦᑕᖅᓯᒪᔪᖅ ᓄᓇᕗᒻᒥ ᑎ ᒥᒥᒍᑦ ᐊᔪᕈᑎᓕᓐᓄᑦ ᒪᑭᓐᓇᓱᐊᖅᑏᑦ ᑎᒥᖓᓐᓂ.

ᐸᐸᑦᓯ ᑲᑎᒪᔨᐅᖃᑕᐅᒥᔪᖅ ᐃᓚᓕᐅᔾᔭᐅᔪᓂᑦ ᑲᓇᑕᒥ ᑲᑎᒪᔩᑦ.

ᓂᕈᐊᕋᔅᓴᐅᓇᓱᐊᖅᑎᓪᓗᒍ, ᐸᐸᑦᓯ ᐃᑲᔪᖅᑐᓂᖅᓴᕆᔭᖏᑦ ᐱᐅᓯᑎᒋᐊᖅᑕᐅᓂᖏᑦ ᐃᓄᓐᓂᑦ ᐊᑦᑕᓇᐃᖅᓯᒪᑎᑦᑎᓂᕐᒧᑦ ᓂᕈᐊᑦᑕᐅᕕᒋᔭᖓᓂ, ᐅᖃᖅᑐᓂ ᖃᕋᓴᐅᔭᒃᑯᑦ ᐃᕐᖏᓐᓈᕈᑎᒃᑯᑦ ᓴᖅᑭᖅᑎᑕᖓ, "ᑕᑯᒍᕕᑦ ᓈᒻᒪᖏᑦᑐᒥᑦ ᖃᐅᔨᑏᓐᓇᕐᓗᒋᑦ ᑲᒪᒋᔭᖃᖅᑐᑦ ᐃᓄᐃᑦ ᖃᓄᐃᓐᓂᕆᔭᖏᓐᓂᑦ. ᑖᕐᓂᖅᓴᐅᔪᑦ ᐅᓪᓗᐃᑦ ᒫᓃᓕᖅᑐᑦ, ᐱᓱᓪᓗᑎ ᐊᑦᑕᓇᖏᑦᑐᒥᑦ. "

ᐅᖃᖃᑎᖃᖅᑐ ᓰᐱᓰᒃᑯᓐᓂᑦ, ᐸᐸᑦᓯ ᐅᖃᖅᑐᖅ ᓂᕈᐊᕋᒃᓴᐅᓪᓗᓂ ᒪᓕᒐᓕᐅᖅᑎᒧᑦ, ᐊᓯᖏᓐᓂᑦᑕᐅᖅ ᑐᕌᒐᖏᓐᓂ, ᓴᖅᑭᔮᖅᑎᑦᑎᓗᓂ ᐃᓚᓕᐅᔾᔨᓂᕐᒥᑦ. ᐅᖃᖅᑐᖅ ᐱᓕᕆᐊᖃᓗᐊᕋᔭᖅᑐᖅ ᓴᖅᑭᖅᑎᑦᑎᓂᕐᒥᑦ ᑕᑯᒃᓴᐅᑎᐊᖅᑐᓂᑦ ᐊᒻᒪᓗ ᐃᓱᒪᔮᖃᑦᑕᖅᑐᓄᑦ ᐋᓐᓂᐊᖅᑐᓕᕆᓂᕐᒥᑦ.

ᑕᑯᔪᒪᒻᒥᔪᖅ ᓄᑖᒥᑦ ᒐᕙᒪᒃᑯᓐᓄᑦ ᐸᕐᓇᐅᒻᒥᑦ ᓴᖅᑭᔮᖅᑎᑦᑎᓗᓂ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᐊᒐᖏᑦ, ᐅᖃᖅᑐᖅ ᐱᓕᕆᐊᕆᒍᒪᔭᖓ.

ᓂᕈᐊᒐᒃᓴᐅᔾᔪᑎᖓ, ᐸᐸᑦᓯ ᑲᔪᖏᖅᓴᐃᒻᒥᔪᖅ ᑭᒃᑯᓕᒫᓂᑦ ᐊᓂᓗᑎ, ᓂᕈᐊᕐᓗᑎ ᐊᒻᒪᓗ "ᐃᓚᓕᐅᔾᔭᐅᔪᑦ ᐱᔪᓐᓇᖅᑎᑕᐅᓗᓂ."

ᓂᕈᐊᖅᑕᐅᒍᓂ, ᐱᔨᑦᑎᕈᒪᓂᖃᖅᑐᖅ ᒥᓂᔅᑕᐅᑎᓂᑦ ᐅᕝᕙᓘᓐᓃᑦ ᓯᕗᓕᖅᑎᐅᓂᕐᒧᑦ.

ᑏᓄᔅ ᑎᑭᕕᒃ, ᐃᓅᓯᓕᒫᖅᑕᐅᖅ ᓂᐊᖁᙳᒥᐅᑕ ᐊᒻᒪᓗ ᐃᖃᓗᐃᑦ, ᐊᓯᕙᖅᑎ, ᒪᔅᑕ ᑯᐊᐳᕈ (ᐅᓇᑕᖅᑐᓴᓂ) ᐅᑯᓄᖓ ᓯᕗᓪᓕᖅᐹᑦ ᑲᓇᑕᒥ ᐅᓇᓕᔅᓴᐃᑦ ᐅᐊᑦᑎᔩᑦ . ᐅᖃᖅᑐᖅ ᓂᕈᐊᕋᔅᓴᐅᓪᓗᓂ ᒪᓕᒐᓕᐅᖅᑎᒧᑦ ᓄᑖᒥᑦ ᓂᐱᒋᔭᐅᒍᒪᓪᓗᓂ ᓄᓇᕗᒻᒧᑦ.

"ᑐᓴᖅᓯᒪᔪᖓ ᐃᓱᒫᓘᑕᐅᓪᓚᕆᑦᑐᓂᑦ ᓴᖅᑭᑕᐅᔭᕆᐊᓖᑦ ᓂᕈᐊᖅᑕᐅᒍᒪ," ᑎᑭᕕᒃ ᐅᖃᖅᑐ ᖃᕋᓴᐅᔭᒃᑯᑦ ᐃᕐᖏᓐᓈᕈᑎᒃᑯᑦ ᓴᖅᑭᖅᑎᑕᖓ.

ᑎᑭᕕᒃ ᐅᖃᖅᑐᖅ ᓴᖅᑭᔮᖅᑎᒍᒪᔭᖏᑦ ᐃᓄᐃᑦ ᐱᒻᒪᕆᒋᔭᖏᑦ ᓲᕐᓗ ᐃᓄᑦᑎᑐᑦ ᐅᖃᐅᓯᖅ ᓯ ᕗᓪᓕᖅᐸᐅᓗᓂ ᓄᓇᕗᒻᒧᑦ ᐊᒻᒪᓗᑦᑕᐅᖅ "ᓄᑖᒥ ᐃᓄᑦᑎᑐᑦ ᐃᓱᒪᓂᖃᓂᕐᒥᑦ ᒪᓕᒐᓕᐅᕐᕕᒻᒥ ᓄᓇᕗᒻᒥᐅᓄᑦ ᑭᒃᑯᓕᒫᑦ ᐃᑲᔫᓯᐊᕈᓐᓇᓂᐊᕐᒪᑕ ᐊᒻᒪᓗ ᒪᒥᓴᕆᐊᓕᕐᓗᑎ."

ᑎᑭᕕᒃ ᐅᖃᖅᑐᖅ ᓂᕈᖅᑕᐅᓂᖓ ᓂᕈᐊᕐᓂᐅᔪᖅ ᐊᓯᔾᔨᖅᑐᒧᑦ ᐊᒻᒪ ᐱᒋᐊᑦᑎᐊᖅᑐᒥ ᑦ ᓄᓇᕗᒻᒥᐅᓄᑦ ᓄᓇᓕᓕᒫᓂᑦ.

"ᓄᓇᕗᑦ ᖃᐅᔨᒪᔭᐅᑎᓪᓗᒍ ᓴᖏᔫᓂᖓᓄ ᓄᓇᓕᕐᔪᐊᖓ ᐊᑕᖏᖅᑐᒋ ᑦ ᓯᓚᕐᔪᐊᒥᑦ ᐊᒻᒪᓗ ᐱᖅᑯᓯᖏᑦ," ᐅᖃᖅᑐᖅ.